വിധിയില്‍ ഞാന്‍ വിശ്വസിക്കുന്നില്ല

കാരണം ജീവിതം എന്നതു സ്വയമെടുക്കുന്ന തീരുമാനങ്ങളില്‍ മാത്രം അധിഷ്ഠിതമാണ്.

Friday 1 June 2012

ചിമ്മിനി ഡാം

അത്ര അധികം കേട്ടറിവുള്ള ഒരു ഡാം അല്ല ചിമ്മിനി ഡാം തൃശൂര്‍ ജില്ലക്കാര്‍ക്ക് പരിജയം കാണും എന്നുമാത്രം.  ചിമ്മിനി നദിയില്‍ 1996ഇല്‍  രാജ്യത്തിന്‌ സമര്‍പ്പിക്കപ്പെട്ടതാണ് ഈ ഡാം. നൂറു കിലോമീറ്റര്‍ ചുറ്റളവില്‍ കിടക്കുന്ന  ചിമ്മിണി വന്യജീവി സംരക്ഷണകേന്ദ്രത്തിന്റെ ഭാഗമാണീ പുഴ. 


ചിമ്മിനി ഡാം 




ഒരുതരത്തില്‍ യാത്രകളുടെ അനിശ്ചിതത്വത്തിന്‍റെ ഭാഗമായി ഞാന്‍ എത്തിചേര്‍ന്നതാണ്‌ ഇവിടെ. ഏകദേശം ഒരുവര്‍ഷത്തെ ഇടവേളക്ക് ശേഷമാണ് നാട്ടില്‍ വിണ്ടും എത്തുന്നത്. തലേന്ന്‍ എത്തിയതെ ഉള്ളൂ നാട്ടില്‍. നാളെ ആണെങ്കില്‍ ഞായറാഴ്ചയാണ്. രാകേഷും രതീഷും പിറ്റേന്ന് സ്കൂളില്‍ ഒരുമിച്ചു പഠിച്ച സുഹ്രുത്തിന്റെ അനിയത്തിയുടെ കല്യാണത്തിനു പോകാന്‍ ഉണ്ടെന്നും അത് മുടക്കിയാല്‍ അവള്‍ പിണങ്ങുമെന്നും പറഞ്ഞു, എന്നെ വിളിക്കാത്ത കല്യാണം ആയതിനാലും കുറച്ചു നാള്‍ മുന്‍പ്‌ ചെറുതായി അവളുമായി ഉടക്കിയതിനാലും ആ കല്യാണത്തിനു പോകാന്‍ എനിക്ക് താല്പര്യം ഇല്ലായിരുന്നു. മാത്രവും അല്ല എണ്ണിച്ചുട്ട അപ്പത്തിലെ പ്രധാനപ്പെട്ട ഒരു ദിവസമാണു താനും അത് വെറുതെ കളയാന്‍ പറ്റില്ല..  യാത്ര പോകണമെങ്കില്‍ വണ്ടി ഒന്നും കയ്യില്‍ ഇല്ലതാനും ഒടുക്കം വാടകക്ക് ഒരെണ്ണം കിട്ടി രാവിലെ എട്ടുമുതല്‍ വൈകീട്ട് ആറുവരെ, അതെങ്കില്‍ അത്, ശ്രീയെയും വിളിച്ചു പറഞ്ഞു  രാവിലെ തയ്യാറായി നിന്നോ ഒരു ചെറിയ യാത്ര, ഇത്രയും സമയം കൊണ്ട് എവിടെ എങ്കിലും നമുക്ക്‌ പോകാം എന്നത് ആലോചിച്ച്  വെക്കാനും ധാരണ ആയി.



 രാവിലെ വണ്ടിയുമെടുത്ത്  മൂന്നുപേരെയും കൂട്ടി യാത്ര തുടങ്ങി ശ്രീജുആണ് അവസാനം കൂടെ ചേര്‍ന്നത്,  പറമ്പികുളം, നെല്ലിയാമ്പതി,  ആതിരപ്പിള്ളി തുടങ്ങിയ സ്ഥലങ്ങളാണ് ആദ്യം ആലോചിച്ചത്‌, ഒടുക്കം ഇവിടെ ഒന്നും പോയിവരാന്‍ വേണ്ടത്ര സമയമില്ല..  അടുത്തൊരു ഡാം ഉണ്ട്  ചിമ്മിനി എന്നാണ് പേര് അങ്ങോട്ടേക്ക് പോകാം ഇത്തവണ.  ശരി, പക്ഷേ വഴി ആര്‍ക്കും അറിയില്ല. ഒടുക്കം ജി.പി.എസ് ഇല്‍ വിശ്വാസം അര്‍പ്പിച്ചു. ഗൂഗിള്‍ മാപ്പിന്‍റെ സഹായത്തോടെ ചിമ്മിനി ഡാമില്‍ എത്തി. 



വന്യജീവി സംരക്ഷണകേന്ദ്രം കൂടി ആയതിനാല്‍  വഴി  മദ്ധ്യേ ഉള്ള ചെക്ക് പോസ്റ്റില്‍ നിന്ന് അനുവാദം വാങ്ങി വേണം അകത്തു കയറാന്‍. നേരത്തെ എത്തിയിരുന്നുവെങ്കില്‍ ഒരു മലകയറ്റം കൂടി നടത്താമായിരുന്നു. ഇനി ഒരിക്കല്‍ കുറച്ചുകൂടി പ്ലാന്‍ ചെയ്തു വരണമെന്ന് തീരുമാനിച്ചുറപ്പിച്ചു.


തൃശൂര്‍ പട്ടണത്തില്‍ നിന്നും ഏകദേശം നാല്‍പതു കിലോമീറ്ററോളം അകലെയായി എചിപ്പാറയിലാണ് ഡാം ഉള്‍പ്പെടെയു ള്ള  ചിമ്മിണി വന്യജീവി സംരക്ഷണകേന്ദ്രം ഉള്ളത്. വേനലിന്‍റെ കാഠിന്യം കൊണ്ട് ഡാമിലെ ജലനിരപ്പ്‌ ഒരുപാട് കുറവ് ഉണ്ടെങ്കിലും  മനോഹരമായ കാഴ്ച ആയിരുന്നു.


നെല്ലിയാമ്പതി വനമേഖലയുടെ പടിഞ്ഞാറേ ചരിവിലാണ് ഈ വന്യജീവി സംരക്ഷണ കേന്ദ്രം സ്ഥിതി ചെയ്യുന്നത്. കാട്ടുപോത്ത്, ആന എന്നിവയെയും മറ്റ് ചെറിയ വന്യജീവികളെയും ഇവിടെ  സംരക്ഷിച്ചിരിക്കുന്നു. 1984-ൽ പ്രഖ്യാപിതമായ ഈ വന്യജീവി സംരക്ഷണ കേന്ദ്രത്തിന് 100 ച.കി.മീ വിസ്തീർണ്ണമുണ്ട്.

കുറച്ചു നേരം ഡാമിന്റെ ഭംഗി ആസ്വദിച്ച് ഞങ്ങള്‍ മടങ്ങി.


തിരിച്ചുള്ള യാത്രയില്‍ ശ്രദ്ദയില്‍ പെട്ട വേനലിനെ പ്രതിരോധിക്കാന്‍ ഇല പൊഴിച്ച് നില്‍ക്കുന്ന ഒരു ആല്‍മരം.

4 comments:

  1. നല്ല അറിവ്

    ReplyDelete
  2. നന്നായിരിക്കുന്നു

    ReplyDelete
  3. വിശദമായ ഒരു കുറിപ്പ്‌ പ്രതീക്ഷിച്ചു.

    ReplyDelete

പറയാനുള്ളത് പറഞ്ഞിട്ടു പോയാ മതി... :D